فى مثل هذا اليوم قام الجندى المصرىمحمد صلاح الرجل الحقيقى و ليس لاعب الكرة بتأديب الكيان
..............
قصيدة
عاش
محمد على عاشور
الشبل قام
أخد القرار
شد الحزام
بص بعنيه
طلع شرار
ولعها نار
عمر سلاح
بالصبر عدى
كل الحدود
والليل برااااح
و الصرخه كانت
فين صلاح الدين
هنا
حطين بتصرخ ف الجنود
أطفال تموت ويا البنات
قدام عنينا
ع الشاشات
والناس سكات
سمع الندا
و الفجر لاح
لبى الندا محمد صلاح
حضن التراب
والدم يغلى ف العروق
أشباح بتجرى ف الظلام
ضرب الرصاص
قتل الغرور
والخوف بيهرب ع الحصا
زى الشيطان وقت الأدان
و صلاح ف إيده
سيف صلاح
كسر قيود اتمكنت
ثبت وجوده ف التاريخ
بر القسم
حفظ العهود
فرح قلوب
نست الفرح
و ف لحظه نال
أعظم وسام
شرف الشهادة
تاج الرجال
أحيا الأمل
عاش البطل
عاش البطل
ليست هناك تعليقات:
إرسال تعليق