نهاري عدى
ببكي ساعات
وساعات
على عُمر
عدى وفات
مافضلش غير
الغروب
ووداع حزين
محتوم
وضحكه خارجه
من شفايف
خداعين
مبقتش عارف
مين أنا أو
هما مين
ضاعت ملامحي
ودمعي على
الخدود سيال
ونزفت مني
احلامي
ما بين شوية ورق
جِريت سطور
وسطور
راحوا فين؟
الحبايب
راحوا فين
تحت التراب
وبقيت أنا وحدي
وسط
الزحام تايه
مع الأغراب
مع إن إسمي
اعرفه
بس الحقيقة لاء
مبقتش عارف
منين يودي لفين
معقوله هفضل كده؟
معقول كبرت كده؟
والوقت عدى خلاص
خمسه وكمان
خمسين جِريت
سنه
ووراها سنوات
عدى نهاري يا خلق
ومبقتش عارف
مين أنا
.................
جلال محمد
2024/6/22
ليست هناك تعليقات:
إرسال تعليق