كحيل الغرام
.............
ماشى فى السكة تايه زى كتير ملايين
العقل منى شاتت ألف شمال ولا يمين
على فين اروح ياعالم اروح منكم فين
لبلاد الشرق العربى م الشام لفلسطين
حارة جنب مدينة فيها ناس وحنين
حمام برج سلام فى السماء طايرين
اطفال بالأرض بتلعب لاخوف ولا أنين
دورت فى كل حتة مش لاقى فرحنين
الكل ليه حزانه غنى فقير مساكين
ماشى فى السكة ضايع ابحث على عاشقين
لبلاد الغرب مهاجر مش راجع ولو بعد حين
هناك الحب طافح متذوق برموش العين
كحيل الغرام يامسافر حتترك ريحة الطين
على إيه دا كلها لقمة والموت ماترك غاليين
عيش فى بلدك وسط اهلك أسئل المغتربين
لامال قارون ولا كسرى تسوى لحظة مغرمين
..........
بقلم ...عبدالمنعم السقا
ليست هناك تعليقات:
إرسال تعليق