🌼الأماكن🌼
ساعات الأماكن تحكى اللى كان...
وتنزل دموعنا على الذكريات...
نكلم صورهم فوق الحيطان...
وتنده عليهم كل الحاجات...
....
سابونا وبُعد الحبايب لهيب...
ومين اللى يقدر يكمل وحيد...
وليه اللى ديما نحبه يغيب...
وبعده ما زارنا ولا مرة عيد...
....
ندور عليهم بين الليالى....
ونسأل عليهم ترد الدموع...
غابوا ولسه مكانهم خالى....
وهو اللى يرحل يعرف رجوع...
....
يا غايب وسايب...
ذكرى ومكان...
يا أغلى الحبايب...
يا حضن الأمان...
...
صحيح مش معانا...
ترد السلام...
أكيد يوم لُقانا...
فى حضنك ننام...
كلماتى علاء محمود
ليست هناك تعليقات:
إرسال تعليق