🥀عشاق الكدب🥀
يا مذوقين الكدب
أشكال على الوان
خليتوا منا الصبر
يرحل بلا.. عنوان
والدمع ..منا فر
من كترة الأحزان
***
يامذوقين الكدب
كفانا م. البهتان
خليتوا كل الخير
ينشف من البستان
والمُر ..هو كمان
مبدور بكل مكان
***
يامذوقين الكدب
ومذلة الإنسان
عايشين نقول الآه
شايفين لكل هوان
العيشة صبحت ضُر
والوعد كان خوان
***
يامذوقين الكدب
عودتكوا للرحمان
فى يوم شديد الحر
وعرقكوا للأذقان
نستونا وقت القيظ
دلوقت جه لتدان
***
🥀بقلمي/ صفاء الخواجة 🥀
ليست هناك تعليقات:
إرسال تعليق