"بقينا أغراب"
----------------
أسئلة بتدور ف دماغي
مش لاقي أي جواب
ليه ناس ف قلوبها حجارة
وناس عايشين في عذاب
وناس تلعب بفلوسها
وناس بتسف تراب
وناس بقى ليها مخالب
وكمان بقى ليها أنياب
عايشين في دنيا عجيبة
وبقينا فيها أغراب..
و الضلمة بقت حوالينا
وحروب ودمار وخراب
إمتى النهار يتعافي
إمتى يزيح الضباب
إمتى النفوس تتصافي
وازاي نرجع أحباب
ونشوف الحب بيكبر
ويعيش ورا كل باب
---------------------------
بقلمي؛
م/ محمود الحريرى

ليست هناك تعليقات:
إرسال تعليق