جلا جلا - - - - عامية
ـ******ـ
الوقت مش بتاع حنجله
ولا طبل و لا سمسره
دي بهيه في عنينا يا ولا
نقفل عليها الجفنين
ونحضنها بالأيدين
ما هي أمنا كلنا
واحنا فاهمين المسألة
جلا جلا
بالعلم والعمل
وقت الشدايد نتحد
مصر تطلع في العلا
صحي الشباب الكسلانين
البلد خلاص جابت ورا
عايزه الرجاله الشاقينين
يرعوها بالفاس والمنجله
جلا جلا
أنا عايزك تفهم يا ولا
إن الحلول مش حنجله
بهيه عايزه شباب أسود
واقفين هناك على الحدود
دول متغربلين غربله
جلا جلا
وقت الدلع إنتهي
شمر كمامك يا ولا
اللقمة عايزه شقا وفنجله
جلا جلا
قوم وصلي ركعتين
وادعي ربك في الصلا
يرزق الناس الطيبين
هي الحياة مش مكلما
ولا حتي تيجي بالجلا
*******************ـ
د/حسني سيد احمد
ليست هناك تعليقات:
إرسال تعليق