😪 أوعى تجادل😪
أسكت خالص وابعد وامشي
خلص المولد فينا ومات
اسكت وأوعى تجادل لحظة
زمن الحق ماسابنا وفات
****
سيبك من حقك وأمالك
ملناش حق مع الأوغاد
لم أخواتك ويا عيالك
فينا الفقر أهو جانا وساد
****
مين يسمعنا ومين ينصفنا
أو يجعلنا الند لناس
داسوا كرامتنا ونسوا همتنا
حتى الأرض فايتها الفاس
****
ر ف ح و غ ز ة.. بادوهم واحنا
نهرب نجري مع الجرذان
لا نصرناهم.. ولا مقدورنا
نرفع عنهم أي هوان
****
فين إسلامنا وفين قوتنا
فين عروبتنا مع الأهوال
نسكت ليه عن ظلم اخواتنا
ونسيب فيهم دم و سال
****
إمتى ح نصحى ونعمل حاجة
بيها نخوف كل جبان
يسمع لينا القاصي وداني
نبقى كرامة وليها ميزان
****
😪بقلمي/ صفاء الخواجة 😪
ليست هناك تعليقات:
إرسال تعليق