.... ياحلمنا المبدور ....
..............................
يامبتدا فجـــــــــــــري
يامنتهى قــــــــــــبري
تايه انا ورحــــــــــال
مابين براح الحــــــال
والضيـقه والأوحــــال
على لقمـتي باجـــري
شـدوا الأمــل ملخوه
سـد الأمان شــرخوه
مراكبـنا طــــــــــوافه
والموجـه حـــــــدافه
هايجـه وخــــــــوافه
والأخ بايع اخــــــوه
ياسلسبيل البـــــــوح
ليه ارتضيت النــوح
قريــنا فـي التــنزيل
وكتبنا في المـواويل
إن الخيانه عـــــويل
بيهـين ورود الــدوح
يامدقـقه الإبصــــــار
الخســــه ليـل ونهار
بينا وليها ســـــــوق
عهد الشيطان موثوق
بيسوق عبيده سوق
ويضــــــلل الأشـــرار
ياعــــــــــــــــم يابنا
ياباني للجـــــــــــــنه
النيه للتــــــــــــــــوبه
والدنيا معطـــــــــوبه
بص لنا لـــــــو نوبـه
دا بصـــــــــتك حــنه
زادوا الحرس نوحي
مانعيـني من بوحي
كل السكك قافـــــله
كل القلــــوب غافـله
عاملين 200 حفـله
والرقص علـى روحي
يامقللين شـــــــوفي
يامكترين خــــــوفي
أنا ماشـي ع النــيه
حب الحــــلال غـيه
وباني له بنــــــــــيه
واعـزف له بدفوفي
الدمـــع فـي مـيزاني
بيزيد فـي أحــــزاني
دا الغلــــــب مكتوبنا
عاصيـين وماتوبـــــنا
شــق الشــــقى توبنا
والتوهــــه عنــــواني
يازارعين النـــــــــور
ياحلمـــــــنا المبـدور
عايشين سـنين التيه
دوانا فـين نلاقــــيه
والجرح مين يداويه
ودمـــــنا المهــــــدور
ياعمــــــــنا العـــارف
صفصافنا كان وارف
م الغـــل قطعـــــــناه
والضــــــل ضيعـــناه
عايشين ف حـر الأه
وسـيلها جـاي جارف
...........................
بقلمي الفلاح الفصيح
معوض حلمي
منشأة بطاش
تمي الأمديد
دقهلية
ليست هناك تعليقات:
إرسال تعليق