"إفرد جناحك"
-------------------
إفرد ياحبيبي جناحَك
قرب مني وكلمني
و احكيلي عن اللي ف قلبَك
رَيَّح قلبي وطمني
قول لي بَحِبَّك وباريدَك
واوعى تفكر تهجرني
انا قلبي هيصبح ملكَك
ويعيش في هواك متهني
وكل مايسمع صوتَك
تلاقيه يرقص ويغني
إفرد ياحبيبي جناحَك
إفرد ياحبيبي جناحَك
وابعد عني الأحزان
خبيني في عش غرامك
باشعر وياك بأمان
في عيونك شوق ومحبة
قلبك مليان بحنان
قلبي بيحزن لو تبعد
ويقاسي من الحرمان
يفرح لما تكون جنبه
يعزف أحلى الألحان
ويقول لك إني بحبك
ويعيدها كمان وكمان
إفرد ياحبيبي جناحَك
إفرد ياحبيبي حناحك
وافتح بوابة قلبك
دخلني وسك عليا
خليني اتهنى بحبك
يامنور كل حياتي
فرحتي بتزيد وانا جنبك
دفيني بحب حقيقي
وانا عمري ماهبعد عنك
إنت منايا وأحلامي
وبَلاقي هنايا ف قربك
إفرد ياحبيبي جناحَك
هافضل طول عمري بَحِبَّك
---------------------------------
بقلمي؛ م/ محمود الحريري

ليست هناك تعليقات:
إرسال تعليق