🤲🏽ملناش غيرك🤲🏽
كل عيشتنا مرار ف مرار
كهربا قاطعة ومية كمان
والأسعار سعرانة ونار
فيها حرمان. وشعور بهوان
إمتى نعيش زي الأحرار
عقلنا قرب يبقى جنان
عايشين دنيا ولينا ضرار
ونشوف غيرنا عايشها أمان
كلنا فقر وجهل .. وعار
والأمراض جت زي زمان
والمعاشات حكايتها دمار
متكفيش لكبير يتصان
عايزين لينا رقيب بتار
يحمي حقوقنا من الخذلان
ملناش غيرك.. يا الجبار
تجبر فينا فى كل أوان
🤲🏽بقلمي/ صفاء الخواجة 🤲🏽
ليست هناك تعليقات:
إرسال تعليق