كان زمان
_______
يزيد عندي الحنين
وقت الشتا والبرد
نتغطوا بالبطاطين
وكان البابور شغال
في وسط لمتنا
ونلقي ساعات الباب
يدق ويخبط
قالولي افتح يا واد
قلت أنا جاي
فتحت باب الكلام
بدون لوع أو خوف
محتاج أكون حساس
دي كل العيون بتشوف
واللي ما شافشي زمان
إزاي على بكره يلوف
غرق في بحر الهوى
مئات ألوف وألوف
واللي ما داق النوى
لساه ما يعرف خوف
يا حبذا ع الغرام
لو كان صريح مكشوف
جمعت كل الحنين
وصار جاهز ملفوف
في وسط ورق الشوق
وصار الهوى مقطوف
زهر الكلام أهو بان
مفيش داعي لكسوف
بقلم/وافي إسماعيل الشلبي
ليست هناك تعليقات:
إرسال تعليق