أحزان الماضي (366)
..................
إرجع يا زمان
حن يا ماضي
كفيانا جروح
جدارن البيت
باكيه وشاكيه
مليانه شروخ ..
بيلوموا الغصن إن مال حاله ما هو مسقي مرار
وبيشكي لا يدبل إحساسه ويعيش محتار
هيتنوا يدوق
في ظلام ليله
ولا حضن دافيه
ودموعه بتوصف حرمانه ليه ضله ناسيه
مش ذنبه راموه أهله وناسه ولا حد قانيه
لملم أشواك أحزان ماضي بقى بيت مداريه
والناس كرابيج بعيون
صوتها ولا جمر كاسيه
تايه في الدنيا لا عاد عارف أيه ذنب جانيه
إرجع يا زمان
حن يا ماضي
يمكن تداويه
وجدران البيت في النور
حضناه ولا ليل يداريه
والزرعه هتكبر قدامهم
له غصن حاميه ..
تفتكروا يعيش
ورا أحلامه
يشطب في ماضيه
ما الواقع صبر مرار علقم
كده حمل عليه ..
بقلم .. صبري رسلان
ليست هناك تعليقات:
إرسال تعليق