فى ذكرى أكتوبر
الحمد لله
أنا تجنيد سبتمير ٦٦
وانتهت خدمتي ابريل ٧٤
يعني شوفت يوم النكسه والطيران بيضرب مطار انشاص
لأني كنت معلم فى مدرسة الصاعقه
وشوفت النصر لما عبرت من القنطره شرق يوم ٦ اكتوبر
وربنا له حكمه فى كده
عايزني أكون شاهد على العصر وكمان شاهد على النصر
وقصيدتي الليله بتقول
-------------
زي النهارده ٦ أكتوبر
لما ارجع لذكرياااتي
كان ممكن كان ممكن
ينكتب فيه شهادة وفاتي
وأرجع
بصندوق ملفووووف بعلم
عليه
إسمي ومكان إستشهاادي
و٢١ طلقه تحيه من بلادي
ولأهلي معااااااااش عادي
*
لكن على راي المثل
اديني
(عمر وارميني فى البحر)
طوول عمر الشقي بااااااقي
و تفضل الميه فى السواقي
تروي الأرض الشرااااااااقي
وأنا يتباها
إني كنت فداءي
وف يوم كسرت اعداءي
وشاااااهد على العصر
وشوفت بعيني النصر
ومبسوط ومرتاح وراضي
*
وفرصه النهاده
نقرا الفاااااتحه
ونخليها لحظااات مصارحه
عن ذكريات باينه وواضحه
لشهداء ضحت بدمها
عشان مصر امها
وهيه راضيه مسامحه
بدووون مكافءه
عربيه ولا أراضي
وكفايه انتصار بلادي
وكلمة عاشت الأيادي
---------------
ذكرى حرب ٦ اكتوبر
كلمات وأداء
الخال عصمت البيلي
وكل عام وانتي فى نصر ياحبيبتي يامصر
ليست هناك تعليقات:
إرسال تعليق