*( عودني عليه )*
عودني عليه وشغلني
وشبكني بنظرة عين
بالليل اسهر اندهله
وبغني ياليل ياعين
غلبني هواه وحيرني
وشغلني يوم و اتنين
وحرمني طيبة قلبه
دوبني شوق وحنين
...................
ياحليوه كفايه ملاوعه
و تبطل كتر شقاوه
ازاي تسقيني المر
وجمالك كله حلاوه
ياما نفسي يحن قلبك
عشان تزيد غلاوه
واديلك كل عمري
وتبطل كتر قساوه
....................
اكمن كلامك خفه
برموش العين تتعاجب
وكلامك نغمه وغنوه
وكحيل العين والحاجب
وان روحت اسأل عنك
الاقيك عني بتتحاجب
حيرني ياحلو طبعك
وشوفت معاك عجايب
.....................
بقلمي/اسماعيل عبدالهادي ابوالعلا
ليست هناك تعليقات:
إرسال تعليق