بمناسبة أعياد أكتوبر المجيدة
(يوم المجد)
كلمات الشاعر/سعيد الشبراوى
كتبت فى 5/10/2019
من أيام مجدك. يا بلدى
يوم السادس...... من اكتوبر
يالى مشفتش..... يوم المجد
تعالى معايا و شوف الصورة
عدينا الخوف وعبرنا الوهم
و قواتنا رجعت...... منصورة
بداية القصة من يوم النكبة
كانت همتناوالنفس مكسورة
جه زعيمنا وقائدنا أبو سمرة
وقال لازم تتغير...... الصورة
ونادى بأعلى صوته
فين رجالتك ......يامصر فين
يرجعوا هيبتك ..ويردوا الطين
رد بدل الجندي .........ألوف
وعلى مدى العين ...ماتشوف
واقفين صفوف ورا ها صفوف
المية منهم قد ............ألوف
عبروا وقلوبهم ... قلب واحد
وكان هتافهم ....تكبير الواحد
الله أكبر على ....... كل كبير
و النهارده محرجعشى ......تانى صغير
حشترى نهار.... لأبنى وبنتى
وأرد كرامتى .....ورجع سيرتى
عملوها الوحوش وإنهار الخط
والدم فوق العلم ............إتخط
بلادي بلادي ...... يا أم الدنيا
حييجى يوم .......وتقودى الدنيا
يامصر ومين..... دا يعاديكى
دانا بروحى....... ودمى أفديكى
ولا انام فى ....... يوم وأرتاح
طول مافيه..... حد معاديكى
ليست هناك تعليقات:
إرسال تعليق