*( خفيف الدم )*
علي خفة دمك ودلالك
وحلاوة طبعك يا حبيبي
البسمه بترقص ف شفايفك
و بنظره واحده تشفيني
الله ع الورد اللي ف خدك
وسحر الليل ف جمال شعرك
النور بيزيد لو لاح بدرك
والكلمه منك ..... ترويني
حلاوتك سكرها زياده
وغلاوتك اكتر م العاده
الحسن إن شافك يتداري
والهمسه منك تكفيني
واللمسه من كفوفك
واللهفه لما اشوفك
دي عينيك شطين امان
ورموشهم ............ بتدفيني
اياك يا جميل. تنساني
وتزود تاني آهاتي
انا مهما اسهر يوماتي
قربك مني يكفيني
************
بقلمي/اسماعيل عبدالهادي ابوالعلا
اشكر الشاعرة القديرة أستاذة صفاء الخواجة
رئيس مجلس إدارة مجلة امواج وبحار للشعر والعلم والثقافة علي متابعتها الراقية لسجال (خفيف الدم)
مع تحياتي لكم اصدقائي الأعزاء
ليست هناك تعليقات:
إرسال تعليق