♡ براهن عليها ♡
بقلم /عماااد الأبنودي
••••••••••••••••••
براهن عليها ب عمري
و عمري ما أكون ندمان
و عشانها أفوت بالحديد
و ف معاركها دوماً كسبان
مصر اللي جمالها فاق
الأوصااااااااااف ....
دي حقيقة و إشهد يا زماان
مهما داريت و لا نخيت
فيها الرباب يقول ألحان
بهيه وطول عمرها بهيه
و نيلها تملي في سريان
شريان نابض يحيي روحها
تماااام زي القلب كمااان
والشمس تغازل وجنتها
والطير يوشوش الأغصان
بأكتب حروف اسمها الغالي
ب أجمل شكل و أااااالوان
و أغني و أسمع الدنيا عشانها
و يقولوا عني كان ياما كان
فتي غاااااوي عشق بلاده
و فتنه الهوي ياااااا خلان
درويش هايم ف دنيته
مش شايف غيرها حنان
محرابه هيه و جنته
و بره منها مرساه توهااان
بقلم
عماااد الأبنودي
4 / 10 /2021
ليست هناك تعليقات:
إرسال تعليق