اللي ساكن جوه القلب
اللي ساكن جُوّه القلب
مش لازم يوم يِقول بحب
يكفي سُكوته بيشرح حاله
ونظره بتِحكي من غير طبّ
بيعدّي فى الزحمة بلُطف
وشيلته تقيلة ومابيشكِيش
بيراعي دايم كل الناس
وعُمـره ما خان ولا بيغِيش
ده القلب الأبيض ساكن فيه
وملامحه فيها الطيب سايب
لو قال كلمه تِلمّ الجَرح
ولو ضحك يِفرَح الغايب
بيِهتمّ حتى لو مش باين
وبيسأل وقت الغيبـة ليه
وإنكسر مية مرّة زمان
لكن عمره ما قالش كُفايه عليه
ده السند وقت الضعف معاك
وبيشيلك حتى في الأحزان
ولو الدنيا تلفّ وتدوّر
يِفْضَل واقف زي الجَدران
اللي ساكن جُوّا القلب
مايتوزنش بكفوف دهب
ده معدن أصيل وبيه الخير
مايخافش من جرح ولا عتب
حبيب وصاحب وأخ في وقت
ولو ناديت يقولك نِعم
وإن شافك ساكت ومش مرتاح
يحضنك من غير ما تتكلم كلمات وتأليف شاعرالبسطاء أبومحمدسعيدالعربي
ليست هناك تعليقات:
إرسال تعليق