* مَجربنَاش *
..................
مَجربنَاش نكون مع
بعض زي زمان
نساند بعض في
لحظة كَسر أو حرمان
ومعرفتش أكون سَندك
وتبقي سندي إنتي كَمان
خَدتنا التوهة والأيام
ومعرفناش يعني
إية ... إنسان.!
.......
مَجربتيش تكوني حوا
وأكون أدم .. ويتلم
شَملنا تاني
ومَعرفتيش تكوني قلب
يَساند قلب بيعاني
ومقدرتش أحسك وإنتي
مَوُجوعة
ومقدرتيش تحسي شعوري ووجداني
.....
وقطر العمر سَاهَانا
وِعَدت كُل مَحطاتة
وفضلت قُلوبنا تتألم
بسبب الصمت وسُكاتة
وَائدنا الحُب في مَهده
بسوء الظن وكَلماتة
فنتسامح يكون أحسن
يعيش القلب ... بِدَقاتة
..........
أنا الغلطان مَبنكرش
وإنتي كمان قوليها
كان في حَاجات نناقشها
وِغيرها حَاجات نِعَديها
وياريت لو نعيد تاني
وأخطائنا .... نِدَاويها
دي لحظة في حضن
مَحبوبك تساوي الدنيا
بمَا فيها ...مجربناش
.......
بقلمي
م. حمدي توفيق
ليست هناك تعليقات:
إرسال تعليق