🔥 أنا مش أنا 🔥كلمات الشاعر/ حسن السحماوي

 أنا ...... مش أنا ...!!

...............

من غير رتوش ..

الصبح مال على همس كلمات النهار .. وقال ..! ..

خبيني م اللى جرى ..

خجلانه عيني م ضفاير الهمس

مش قادر المح ضي نور الشمس

على كلمة جوايا .. محبوسه خايفه م البشر

مليت خلاص .. من كتر تكراري

من احتباس الصوت فى الحنجرة

خلتني انسى تراتيل المسا

واعلن تفاصيل النهار ..

خايف اصرح .. او ااقول .. م الخوف

دي الناس بيجري عمرها لقدام

وأنا .... مش أنا .. أنا مش إمام

ممسوحه مني نظرتي م الشوف

عمري بيزعق فى الخلا

أنا فرد عايش ... إنما .. كتر الزحام

علمني اكمم جوه منى حروف ..

الناس خلاص .. متعكره م الخوف

.. والصورة طله .. مغيره شكلي

خالية الجناين من طلة الأزهار

خاليه البحور من مد يوصل للشطوط

يفصل ما بين جنتي والنار ..

خالية الغصون من بهجة العصافير ..

خاليه القلوب .. من ضحكة المخاليق ..

من رقص خيال االفوارس وعزفه ع المزامير

من كل يوم بيعدي .. زي أنا .. وأنا .... مش أنا

خلاني أعلن .. على الملأ ..

 اعلن براءة دمي م الشريان

اعلن خصامي للشعاع من طلة الشبابيك

من كل يوم اسمه على ااسمي أنا ..

نفس النهار ..!! وأنا .... مش أنا ..!!

شعر .........

حسن السحماوى ..