إعتراف
بَعترف لِك مِن غير كُسوف
الدنيا انتِ وكل ما فيها
وشمس قلبي صَابها كُسوف
وعِشتْ ف سَماكِ وضواحيها
نورتِ حياتي بعد خُسوف
وأبوح بأسراي وأحكيها
قلبي اللي حَبك بات مَلهوف
هايم ف روحك وطاير بيها
وانت القصايد والحروف
وكل معنى ف معانيها
وأنا ووتيني ضُيوف
على جِناسها وقوافيها
رموشك سِهام وسيوف
وضحكتك دندنة أغانيها
ده
حُضنك حَنون وعَطوف
ومِسَكر قَهوتي ومحليها
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق