زجل
صبايا العنب
الشاعر / رضا البوشى
ماتت ميادة ووراها سارة
إخية ع الدنيا وألف سوفاج
مش زي جومانة ونسوان عاله
م التيك توك بانين ابراج
دي بنات طازة في الشقا مرمية
ولا دادي ومامي مناكير ومساج
و الهم بايت على ضوافرهم
ضاربين الدنيا ميت كرباج
عناقيد عايشة بقلوب طاهرة
مش زي قلوب عايشة بمكياج
صبر يامعين قلوب الخلق
عناقيد الخير تطرح أمواج
دول نور على نور بنور بيدور
دهب لولي مش فضة وصاج
زي المصرية مفيش في الكون
لا في أوربا ولا ساحل العاج
طالعين م الدنيا بايد فاضية
بوجوه بيضا زي الحجاج
ليست هناك تعليقات:
إرسال تعليق