🤣الف طُز🤣
طُز واحدة؟؟ الف طوز!!
ف اللي باع لما اشترينا
أصله واطي بتاع كلام
***
طُز تانية ف اللي خانا
شاف حنانا وبرضه سابنا
مش ح يستاهل ملام
***
طُز تالتة كبيرة عالية
ف اللي كاره واللي قلبه
خالي دايما م. السلام
***
اللي عمره ماشفش منا
إلا خير من غير حساب
كله طار ويا الحمام !!
***
الشهامة طبع فينا
مش مسلسل أو مجاملة
إحنا ليها يا ناس إمام
***
طُز مش قاصدين نهاجم
أو نلقح أو نشاور
ع اللي جوه الغدر عام
***
طُز مني شاملة. عامة
للي جوه حياتنا عدوا
بالهوان ويا الضلام
***
من سنينا خلاص حذفنا
كل مؤذي وكل حاقد
أصل غربلنا الهوام
***
🤣بقلمي/ صفاء الخواجة 🤣
ليست هناك تعليقات:
إرسال تعليق