هجمة مرتدة
عيشنها ند ب ند
والعند شئ مكتسب
تسقيني رضاب شفايفك
وحضني يتحول لك نبيذ عنب
ترميني بنظرة أوهبلك حياتي
وأزرع لك قلبي فدادين قصب
ترضي عليا أسكنك عيوني
وأنفاسي تصبح جمر ولهب
دخلتِ قلبك جوه ف مزاد
وأنا اللي اشتريته بالدهب
الحب ف حياتي سهل ووديع
ولا يتاخد بالغَصب
طول عمري فرحان وطاير
راجل ولا أعرفش العَتب
أفعالي بتسبق كلامي
وتفاصيلي مفيهاش عَطب
الرجولة أيه غير حبة مواقف
مش جتة وصوت عالي وشنب
الحياة مش هجمة مرتدة
وماتش كورة ومن غلب
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق