زبادي خلاط
_________
لما فاض الشوق لقلبي
جبت نفسي وجيت أوام
قلت لازم أشوف حكايتك
وأروي حبي بالغرام
وأهدي في الخوف اللي طايح
جوه مني في المنام
وأحمي قلبي م اللي صاير
تهفو روحي لإلتزام
الأشواق م الغربة زادت
لحد ما إتبعثر كلام
قالوا عني الواد ده عاشق
قلت أنا مغرم كمان
إزاي بقى راح نتكلم
عن فرقة وغاب
قلبين وإنضربوا م الآخر
كزبادي خلاط
وإتصبوا وتاهوا في بعضيهم
والعمر أهو فات
أذين واحد وبطين واحد
وسط الأحباب
وإن مشيوا
الناس راح تتكلم
عن ودى وجاب
الله لا يقدر يا حبيبنا
وينجينا من عين حُساد
ده
الحب شايلهولك قلبي
والود حافظهولك قربي
م الآخر لازم نتكاتل
بحنين وأشواق
ونهد الحيطة اللي تحوشنا
عن العشاق
بقلم/وافي إسماعيل الشلبي
ليست هناك تعليقات:
إرسال تعليق