أنا
نفسي
بقلم / محمد على عاشور
و انا نفسي و كلي جنون
اقول احلى صباح الخير
على عيونك و كحلتها
و لون عينك مجنني
و دوبني
و صحاني فى عز الليل
عشان انتى مشغلاني
و شغلاني
و طيفك جاي يعاكسني
و أتذكر ورود الخد
و نومها جنب غمازه
بتتخفى على خدودك
و حسنه جنبها الشفة
بتتعايق
و تحرسها من الحساد
و لون شعرك
و تكوينك
و فلك ويا ياسمينك
و صوتك ده اللي بيجنن
مفيش ف حلاوته صوت زيه
و رسمة ايدك الحلوة
و تبسيمة شفايف الورد
و تعلا الضحكة و تجلجل
ف قلب القلب
و يفضل قلبى مستني
تطلي عليه
و روحي فى الطريق
سارحة
و بتدور على ضلك
على عيونك فى وسط الكون
و حتى ملابسك السودة
اللي بعشقها
و روحي بتدعي و تأمن
تقابل روحك الحلوة
و لو صدفة
و تتملى عيون القلب
فى عيونك
و تاخد احلى بسماية
من العين اللي اسراني بنظرتها
و بتمناكي ما تغيبي
عن العين اللى مشتاقة
تشوفك يوم.
ليست هناك تعليقات:
إرسال تعليق