إرسم إنسان (بالعامية)
*********
إرسم كلمة قوية
تصرخ ف الوجدان
إرسم بسمة أبية
تهرب م الحرمان
إرسم ضحكة عفية
تشد الروح م الأحزان
إرسم لقمة عصية
خايفة تروح للغلبان
إرسم شمس وطالعة
رافضة تنور للإنسان
إرسم تعلب عايش
وسط الناس ف الأحضان
إرسم ديب و حارس
حالنا ومالنا بالأديان
إرسم ميه وطين
وناس تايه فى الأوطان
إرسم حلم يصحى
النايم فينا والسكران
إرسم إنسان عايش
خايف يصرخ من إنسان
إرسم إنسان عايش
لكن تايه ع الشطئان
إرسم لو تقدر ترسم
إنسان جوا الإنسان
****************
صلاح زقزوق
****************
ليست هناك تعليقات:
إرسال تعليق