الاثنين، 29 نوفمبر 2021

🌷هي واحدة بس🌷كلمات الشاعر د. وهبه البوهي

 أغنية

هيَ واحدة بس


هيَ واحدة بس

طالب رضاها بس

مفيش ف القلب غيرها

وياريت بيا تحس


باكتب ليها أغاني

ومش لحد تاني

ترفض تسمعها مني

وتقولي بس هس


دي الشعرا كدابين

وكلامهم بوشين

وش يظهر ليك

ووش ماله حس


مين غير حالك؟

مين شاغل بالك؟

كل يوم أغاني

وكلام عمال ترص


بتغير دايما عليا

وتخلي عيشتي نار

وتحلف قال عليا

لأبطل الأشعار


هيَ مفكراني

باكتب لحد تاني

وبالشك معذباني

قولولي أعمل إيه؟

آه ياني ياني ياني


قولولها إن هيَ

جوه قلبي وعنيا

ولحد تاني غيرها

ما أقدر يوم أبص


هيَ واحدة بس

طالب رضاها بس

مفيش ف القلب غيرها

وياريت بيا تحس


وهبه البوهي


ليست هناك تعليقات:

إرسال تعليق

👍همسة هجر👍كلمات الشاعر مهندس/ يوسف الخواجه

 همسة هجر : ♥ ♥ ♥ ♥ ♥ ♥♥ ♥ ♥ وئد الأمل فى مهده .....ودفنت نفسي فى ثراه ومضى الربيع كأننا لم نلتق .عصف الخريف بما بناه والقلب شيبه الجفاء ......