"أنا عمري ماكنت قاسي"
----------------------------
ليه بس بتقسي عليا؟
ياحبيبة قلبي ياغالية
ليه برضه تقابلي حُبِّي
بالصد.... وبالقسية
دانا شايلِك جوه قلبي
وحاميكِي برمش عنيا
أنا عمري ماكنت قاسي
والطيبة دي طبع فيا
تعالي وطفى ناري
وحِنِّي عليا شوية
هاعملك عقد لولي
ومعاه عيوني هِدِيَة
وأجيلِك افَرَّح قلبك
وامسح دمعِك بإيديا
واسقيكِي الحب بإيدي
واملا حياتك حِنِّيَة
واخدك ونروح لبعيد
لمكان مفيهوش قَسَيَّة
وحياتنا هتصبح جنة
بس انتي ترضِي عليا
-----------------------------
بقلمي : م/محمود الحريري
رداً على قصيدة "سؤال"
للشاعرة المبدعةأ. صفاء الخواجة
Safaa Elkhawaga
رابط قصيدة "سؤال" في أول تعليق
ليست هناك تعليقات:
إرسال تعليق