🍁الوصية🍁
لما أموت.. وتكفنوني
بالمحبة. ودعوني
واوعوا تنسوا حبي ليكم
تيجوا دايما وتزوروني
ياما كنت عشان عيونكم
أنسى راحتي وتتعبوني
وإن لقيت دمع ف عيونكم
أجري وأمسحها. بكفوفي
****
لما أموت... وتكفنوني
اوعوا بالفُرقة تخونوني
والمحبة تبقى... زايلة
ع المودة ..تحسروني
زي م أنتم ف التزاور
لو ف عيشتي أو منوني
اوعوا حد يقول دي ماتت
وبشتاتكم..تقهروني
****
خلوا دايما .. و لعيالكم
الفرح عنوان... سروري
لو ح أحس بقسوة بينكم
وف منامي تقلقوني
الندم يملالي.. قبري
وبظلامه. تخوفوني
والحنان إللي..زرعته
راح ف كان.وأقول باعوني
*****
🍁بقلمي/ صفاء الخواجة 🍁
ليست هناك تعليقات:
إرسال تعليق