عـصـفــور مـن الـشــرق
يسعد مساك يا قمر
يسعد مساك
من كتر سهدي يا قمر
باسهر معاك
أنا قلبي عاشق يا قمر
عصفور جميل
يشبه فى حسنه يا قمر
منظر بهاك
…..
قاعد فى ضل الشجر
ومعايا كام موال
وناي حزين بين صوابعي
قال اللي ما ينقال
صحت الطيور ع الشجر
نزلوا وقالولي
كفايه لحنك شجانا
سهرتنا وياك
….
قلت الحكاية طويلة
عصفور مدوخني
طرت معاه فى السما
وبقربه فرحني
وجه لحـد شواطيء
ع الرملة واعدني
خان الوعود ياقمر
وببعده سهرني
فرق ما بينا البعاد
وطار بعيد فى سماك
….
قالت الطيور يا حزين
اوصف لنا شكله
ومنين نلاقي طريقه
وفين مكان أهله
يمكن لأجل خاطرنا
يعود اليك تاني
وبعد طول الغياب
تلقى الحبيب وياك
….
أنا قلت طيري جميل
وحسنه ما وصفشي
من حسنه غار الجميع
وطبعه ما تقولشي
والسحر جوه عيونه
يجذب ما يبعدشي
والرمش فوقهم سهام
بتصيب ما تجرحشي
أما مكانه يا طير
بجوار جبل عالي
يطل على بحر أحمر
وموجه مش عالي
وتحت موجه جناين
مرجان من الغالي
وبيته وسط الصفا
على بابه ياسمينة
عطر زهورها الجميلة
يدخل من الشباك
….
قالولي طيرك يا ولدي
صعب المنال بعيد
دور على حد تاني
أو روح لسيدي غريب
يمكن ببركة مقامه
تلقى الوصال قريب
وارجع لربك وادعي
تلقى الرضا جواك
رفعت محفوظ – الاسكندريه
ليست هناك تعليقات:
إرسال تعليق