كلام عن القلب
___________
لما شابه القلب شاب
حكيوا وكتبوا اليوم كتاب
ع اللي شافه
يوم ما غاب
هو ضرس ولا ناب
هيخلعوه ويرتاحوا منه
قلب خالي م الجراح
لما عاش وسط البراح
طفى نار وقت النزاع
واللي عايش بالسماح
قلبي عاشق همس قلبه
وللحياة معاه إرتياح
نفسي أنا في بعض الكلام
عمري أنا معاه بإنسجام
لما طاف وسط الأحبه
حس إن له إلتزام
عود يا قلب ليك غرام
ويا شوقك عود كمان
عم يدندن م الهيام
لكن م الآخر تمام
ولما قالوا القلب مال
قولنا يا ولاد الحلال
الهوى فارد جناحه
والقليب مشغول بحال
بقلم/وافي إسماعيل الشلبي
ليست هناك تعليقات:
إرسال تعليق