"خدني معاك"
-------------------
وَقَّف يامراكبي وخُدْنِي معاك
ده حبيبي هناك مستنيني
وبعَتْلِي وقال قلبي بيهواك
تعالالي بسرعة يانور عيني
وَقَّف يامراكبي وخُدْنِي معاك
ده حبيبي هناك مستنيني
وقف يامراكبي عشان خاطري
مبقيتش خلاص قادر استحمل
والعمر كمان عمال يجري
وصلني بسرعة انا مستعجل
وَقَّف يامراكبي وخُدْنِي معاك
ده حبيبي هناك مستنيني
رسيني على البر التاني
يامراكبي وليك ألف تحية
مقدرش أعيش هنا وحداني
وحبيبي..في الناحية التانية
وَقَّف يامراكبي وخُدْنِي معاك
ده حبيبي هناك مستنيني
عديني معاك بحر الأشواق
على بر الحب ونزلني
والله ياناس قلبي بيشتاق
وغرامه كمان بيدوبني
وقَّف يامراكبي وخُدْنِي معاك
ده حبيبي هناك مستنيني
وبعَتْلِي وقال قلبي بيهواك
تعالالي بسرعة يانور عيني
----------------------------------
بقلمي؛ م/ محمود الحريري
ليست هناك تعليقات:
إرسال تعليق