إطلع ياورد
-------
يافايت الورد وحارق عيدانه
وكاره الفل وهااااجر غيطانه
ولا عارف قيمة ألوانه
ولا زمااااانه ولا أوانه
سيب الزهور بحالها
للي يفهم جمااااالها
والخايب خاااااااايب زمانه
*
إمسك ورده كده وشمها!!
وكلمها وإساألها مين يهمها
وليه كلمة ورده بقت إسمها؟
هاتلاقيها إحمرت بلون دمها
زعلان منك !! لإنك !!
بتكره الورد والفل وبستانه
*
دا لولا الورد ماشمينا عطور
ولا عرفنااااااا ريحة البخور
ولا لقينا الحب بين السطور
ولا عرفنا الربيع بين الشهور
ولا شوفنا بنت حلوه
تتغدر بره وجوه
(دا الورد بقصوره وسلطانه)
*
إطلع ياورد وإملا الجناين
وعطر البيووت والمدااين
وصبح على إللي بالسفاين
إللي يكرهك خااين
واللي يلومك خاين
وشكله بيناا موش وباين
والجميل بطيبته وحنانه
-----------
الخال عصمت البيلي
ليست هناك تعليقات:
إرسال تعليق