حبيبتى مصرإلى أين ؟؟
ياللا نتعاهد
نخللى مصر
آية فى
الجَمال
والعروسة أُم الضفاير
تلبس الطرحة بدلال
والغناوى الحلوة ترجع
والصحارى تفيض غلال
نزرع الأرض بمحبّة
تكفينا ذل السؤال
نغزل الحب فى طرحة
لأمنا أم الرجال
أم كل الدنيا مصر
لأجل نفرح بالعيال
والشباب يشهدوا لينا
لما شافوا المصرى قال
قال وقولته نابعة منّه
بدون رشاوى واحتيال
ياللا بينا نقوم بصحوة
بدون سفاسف وارتجال
والتروس ترجع تدور
وبإيدينا نزيل تلال
والعدالة لبلدى ترجع
والوطن محتاج رجال
لا تغيرهم حصانة
وياكلوا دايما بالحلال
رفعت محفوظ-الاسكندرية
ليست هناك تعليقات:
إرسال تعليق