مـصـر تـتـحــدث عـن نفـسـهـا
فينك ياحلواني
تبنيني من تاني
والمجد يرجعلي
والحزن ينساني
*
ولادي خدعوني
وف غفلة سرقوني
سقوني كاس مرّة
ودمروا كياني
*
أرضي وسرقوها
ومصانعي قفلوها
وأصولي باعوها
وإيه فضل تاني
*
نشروا المرض فيّا
باعوا كلاوية
ولوثوا الميّة
وحرقوا بستاني
*
ثرواتي نهبوها
وشواطيء باعوها
وبيوتي هدوها
ولا حد نجاني
فينك يا حلواني
*
رفعت محفوظ-الاسكندرية
ليست هناك تعليقات:
إرسال تعليق