(من حقي اغير عليكِ)
من حقي أغير عليكِ
والمفروض تفرحي
مش كل ما أغير عليكِ
بكلامك تجرحي
سبيني أحب فيكِ
على راحتي لو تسمحي
إعرفي حبي ليكِ
مقداره أد ايه
ده لو سألتي عنيكِ
هتدلك عليه
انا مش بشك فيكِ
لا فى قلبك ولا فى عنيكِ
انا قلبي خايف عليكِ
أرجوكِ حسي بيِا
لو كنتِ فى جزيرة
انا وانتِ لوحدنا
مش هتموت الغيرة
لو فات مليون سنة
ده انا قلبي بيغير مني
مع انه حتة مني
على دقاته بيغني
ليكِ اجمل غُنا
ومن حقي اغير عليكِ
والمفروض تفرحي
مش كل ما اغير عليكِ
بكلامك تجرحي
بقلمي /السيد صالح
ليست هناك تعليقات:
إرسال تعليق