الحب و الحرب
________ بقلمي /
_________ نصر الدين يوسف
خلصت كل الكلمات
الحلوة من كلامنا
وانتهى عصر الحب
انتهى بس عشانا
ليه جينا فى زمان
مفهوش حب وحنان
ليه لما نزرع ود
نحصد الأشجان
ليه دمعتك على
الخد تنزل تسيل
تحرق الوجدان
ليه فرحتك
ماتت مع كلمة
مستحيل
وأتربى قلبك
على الأحزان
ليه الجرأة
قتلت خجلنا
والزن ليه زاد
على
الودان
ليه الخسيس
أصبح مالكنا
و الأصيل
شحات جعان
ليه الجمال
دبل وعجز
والقبح اصبح
سمة الانسان
و الحب ..
هرب من حياتنا
مبقاش ليه مابنا
مكان .....
والحرب..
موجوده من ميلادنا
والبحث جاري
علي الأمان .....
ليست هناك تعليقات:
إرسال تعليق