حديث السقوف والخيال
بقلم... مجدي الجندي
سقف البيوت كان عالي
كل اما اجي انام
كان بيحلالي
انى ابص لفوق
افضل اكلم فيه
واسمع لوشوشته
واحب اشاهد منه
على صفحته وشاشته
فيها م الخيال اشكال
وخيالات بتوهمني
شكل تقول تمثال
وخيال بيرغمني
اسرح مع رسمته
ادي رسمه للكعبة
وامي هناك قاعدة
وخيال جامع المدينة
نوره واصل لينا
للمشهد فى الحسين
كان المداد دمعي
وصوت السكون سمعي
ياسقف ايه وطاك
ضيقت ليه نفوسنا
خلتنا ان جينا ندخل
لازم نوطي روسنا
حتى اللي جاي يزورنأ
مش فاضل غير يدوسنا
انا بيتنا كان شبهي
وانا كنت اشبهله
ياسقف بيتنا القديم
هدوك الغاشمين
وكانوا عشمانين
يلاقوا سري
في الخيال
Magdy ELgendy
ليست هناك تعليقات:
إرسال تعليق