معشوقتى مصر
1
تمانين سنة ياناس
عايش فى خيرها وضلها
وغناوى ع الزراعية
ياما قلتها فى حسنها
وأهات من القلب
لما ألاقى كلب
بيكشف شعرها
وولادها تركوها
لكل خسيس يعرى جسمها
وعشان أنا ياناس
لسّه بأحبها
قلعت توبى وعملته طرحة
عشان أغطى شعرها
وبكيت على غدر الزمان
ومن خيانة إبنها
...
معشوقتى مصر
دلوقت حاطّه إيدها على خدها
وقاعدة ع الترعة تلملم شعرها
ولسه عايشه فى الأمل
إن الحبيب يرجع لها
وكل خاين أو لئيم
يرجع يقبّل رجلها
ساعتها تاخده فى حضنها
وبقلب ام حنون تسامحه
أصل السماح من طبعها
ومهما كانت خساستة
ماهو برضه يبقى إبنها
...
2
هــاافضـــل أقــول وأعيـــد
أنـــالـسـّــه عـاشـــق حـسنهـــا
بـحـــب فيهـــا السهـــر
بـحـــب نـيـلـها وشـطـها
بـحـــب فيهـــا طـلعـة الشـمـــس
تـنـــور وشـهـــا
بـحـــب فيهـــا القـمـــر
طـالـع يغـــازل حـسنـهـــا
بـحـــب فيهـــا المـشْـى
عـلـى شــط نيلهـــا وبحـــرها
بــحـب فيهـــا الكنـائـــس
والجــوامـع
بتـحضـــن بعضهــــا
مـســـلـم مـسـيـــحـى اخـــوات
راضـعيـــن حنـــان مـن صـــدرهـا
هـتـقـــول فـقـيــره
مــش مهـــم
دى كـفــاية خـفـــة دمـهـــا
..
مـاهى بـــرضه هيـــّه بـــلادى
اللـى اتـــولدت بأرضهـــا
وجـــــدّى حـفـــر القنـــال
وانـــدفـن فـى قعـــرها
والتـــانـى فـى دنشـــواى
اتـعـــدم فـى جـــرنـهـا
اللـى فالـقـنـــى اليـــوم
شـبـــاب ماعـــدشـى يحـبهـــا
هـانـــت عليـــه أمـــه
وحـــلاوة حـضنهـــا
ولَعـنهـــا فـى الميـــدان
وشـــرزم أهـلهـــا
ولا عــادش فيــهـم أى نخـــوة
لأجـــل مـايسـتـــر عــرضـهـــا
ولا أى خــوف مـن شـــر آتٍ
وجــار عـــدو واقـــف لهـــا
عـجــبى عـلى ضيــق الرؤى
وغبـــاء بـعـــض أهـلهــــا
رفـعـت مـحـفــوظ
30نوفمبر2012
***
ذكريات
***
ليست هناك تعليقات:
إرسال تعليق