ذكرى تعويم الجنيه
اضحك فرفش.. اضحك كركر
رفعوا الدولار.. أبو لون أخضر
وان كان ع الزيت .. أو أكل البيت
دى حاجات سهلة ولا بتعكّر
الدنيا جميلة يا محلاها
كل مطالبك راح تلقاها
حتى الأسعار .. لو صبحت نار
ربك موجود واوعى تفكر
اوعى تشتكى أو تتبربر
واضحك يا فقير واوعى تِوَكْبَر
أحسن فيه ناس .. فاقدة الإحساس
وان قلت الحق حتتكدر
وان كنت جعان .. أو يوم تعبان
وصبحت الصبح بقيت عيان
اضحك علشان بكره حَتُقْبر
اضحك فرفش .. اضحك كركر
وبلاه الزيت .. وبلاه سكر
وبلاها البيضة أم جنيهين
والعدس كمان أبو لون أصفر
رفعت محفوظ
ليست هناك تعليقات:
إرسال تعليق