الضرب فى
الميت حرام
خواطر
******
الضرب في الميت حرام
مستخسرين فيا اللقمة
والهدمة طيب ح افضل
طول عمري جعان وعريان
يعني أعمل إيه اقعد أنعي
حظي ليل ونهار أكل في
نفسي واتغطي بالأحزان
ياعالم افتكروا أخرتكم
هو مفيش حاجه مأثره
فيكم إلهي ربنا يفقركم ويقل
راحتكم علشان تحسوا بالغلبان
عايز اعرف هي الدنيا دي بتاعتكم
خليكوا فاكرين يالي معاكم الفلوس
وتحت البلاط مكنزينها أنا ليا حق
عليكم ساعدوني أنا مش ح اخد حاجة
من رزقكم طب جربوا كده تدوني ح تلاقوا
الخير زاد عندكم انتم اللي وصلتوني لكده
أنا كنت داخل أسرق أهو شوفوا إنتم اللي
غرقتوني وفي الآخر تقولوا عليا حرامي
هو انا لو مش محتاج كنت ح اخد أي
حاجه قدامي لك يوم يا ظالم إنت اللي
سودت عيشتي ومررت أيامي ومنعتني
أحقق ولو حلم واحد من أحلامي
سحر أحمد محمد
ليست هناك تعليقات:
إرسال تعليق