فـضـفـضـــة
بكره دموع الغيوم
تنزل على اغصانى
ومعاها قطر الندى
تخضر من تانى
وتعود غناوى الصبايا
مصحوبه بأمانى
والناى يردد غناوى
عايشه بوجدانى
تسمعها كل الطيور
ترجع لبستانى
وعصفورة حلوة تقوللى
إطرب لى آذانى
سمّعنى أحلى ألحان
وحكاوى ع الشطآن
وانده وقول يازمان
إرجع بنا تانى
--
رد زمانى وقاللى
دا زمان عدّى وفات
فى القلب عايش تمَللى
فى العرف أصبح مات
وأيامنا صبحت حزينه
مصحوبه بالآهات
وبلاش بُكَى ع النهارده
وابكى على اللى آت
رفعت محفوظ-الاسكندرية
ليست هناك تعليقات:
إرسال تعليق