🧚🏻‍♀️الدنيا دوارة🧚🏻‍♀️كلمات الشاعر/ علاء محمود

 توضيح معظم كلمات القصيدة باللغة الصعيدى ..ولحضراتكم كل التقدير والإحترام... 

💥الدنيا دوّارة💥

لسه المرارة فى حلّجْىِ...

والجرح لسه عليل ..

والعمر عَمّالْ يجرى...

والناس جُلُبّهم ليل...

الطيبة راحت فين؟؟...

وفين ألاجى أصيل؟...

الّهم تُجّل جبال ..

ولا حد جنبى يشيل...

لا حد دجّ الباب...

ولا خطّى ناحيتنا...

الكل عنّا غاب...

ولا مَرّ جّار بيتنا...

كان الجميع بيزور...

والكل يتودّد...

فاتت سنين وشهور...

وأعذار بتتّعدّد...

باتت حيطان البيت...

تبكى وتسألنى...

يكنش أنت جانيت...

جاوب وطمنى...

كنت الطبيب والطب...

والجَلّبْ كان بيتهم...

كنت الهوى والحب ..

ف عيونى دسّتْهم...

لكن نصيبى غلبْ...

راحوا وفاتونى...

والحال معايا إتّجَلَبْ..

ولا جُوش يواسونى...

نسيوا إن هو كاس...

والدنيا دوارة ..

على اللى عنده جُصّور...

أو غرفة فى حارة ..

كلماتى علاء محمود