فين صوتي
خواطر
******
فين صوتي حاسس انه اتحبس
يمكن يكون جوايا مارد عايز يخرج
ولا يكون عفريت جوايا وجسمي اتلبس
*********************************
مباقتش قادر أتكلم في حلقي صرخة مكتومة
في يوم من الأيام كان صوتي يجيب آخر الدنيا
**************************************
دلوقتي محتار في نفسي وشاعر إني بقيت حاجة تانية
أصبحت من مجرد كلمه باتخض وروحي بتروح في ثانيه
مش لاقي لنفسي مخرج والكل بيشاورا عليا وبيقولوا إني
مش أنا إزاي ممكن بالسهوله دي أتغير أكيد اللي شوفته
في الدنيا يخلي الحجر ينطق ويتكسر
********************************************
فين زمان لما كان كل واحد بيسمع للتاني دلوقتي بقي
كله مع نفسه وحاسس اني في وسط ناسي لكني غريب
وحداني والعيشة صعبه وكل ظروفي قاسية عليا ومعنداني
**********************************************
باحلم في يوم يتحقق حلمي وكل حاجه حلوه ترجع تاني
وبقول للي قلوبهم قاسية الحب ببلاش من غير فلوس
صفي النيه لله وحب غيرك ليه السواد يملي النفوس
سحر أحمد محمد
ليست هناك تعليقات:
إرسال تعليق