#"اتولدت من جديد"
----------------------------
فاكرة اول يوم عرفتِك
يومها اتولدت من جديد
واتحفر حبِك ف قلبي..
عشقِك رسخ جوه الوريد
حسيت بطعم الدنيا حلوة
وعرفت إن اليوم دا عيد
كأني كنت ف حتة ضلمة
ولمحت نور جاي من بعيد
فى اليوم دا نَوَّرتِ الدنيا
ومش هاكون تاني وحيد
شفتِك ملاك م السما نازل
يباركلي على حبي الوليد
أول ماشفت جمال عنيكِ
سرحت فيها وكنت سعيد
وكتبت فيكِ أحلى كلام
اوصف غرامي واقول واعيد
حبِك زرع .. فيا الأمل ..
وكل يوم .. يكبر ويزيد ..
بستان حياتي إتْمَلَا أفراح
شجر المحبة طرح عناقيد
ومحبتِك سر سعادتي ..
قناديل غرامِك نورها يقيد
------------------------------------
بقلمي : م/ محمود الحريرى
من ديواني "ابتدا بحبك صباحي"
ليست هناك تعليقات:
إرسال تعليق