حبيبي قوم
خواطر
***********
حبيبي قوم انت مبتشبعش نوم
يالا فوق ساعه ما باشوفك جنبي
بافرح واروق
*************
اوعي تقول إنك خلاص ح تسبني
لأ أرجوك غيابك ح يوجعني ويعذبني
أنا من غيرك مسواش
****************
اصحي يا عمري أنا ست الأميرات وأميرة
الستات مش كنت دايما تقولي إني ملكه
متوجه علي عرشك
*****************
أنا من غيرك أضيع مش عارفه حاسه اني
في كابوس فظيع يا خوفي لا تكون حقيقة
وجه وقت الفراق
******************
طب ح اعمل ايه واروح فين من غيرك انت
كنت بتصبرني علي هموم الدنيا وانت السند
والأمان
*******************
محتارة وتايهه غيابك عني مايعوضوش أي
إنسان لكني عارفه إن مافيش مفر م الموت
ويارب نزل عليا الصبر وخرجني م الأحزان
سحر أحمد محمد
ليست هناك تعليقات:
إرسال تعليق