💓وقع القناع💓
كان ليا قلب زمان
عايش مع الاوهام
شايف جمال الكون
ضحكة ترد الروح
خالي.. القاموس
م. النوح..
والنبض ماله جروح
حامت عليه عصافير
طالبة الوداد بسرور
يبعد بعيد و يقول
الكل أحبابي..
وهوايا لبلادي
قالوا عليه. مغرور
و ف يوم شافوا الشحرور
صمم يكون له. حبيب !
قرب بكل. حنان
يطلب وداد و غرام
أثر عليه بمعسول
كلمة و نظرة و لوم
و بغشه يوم ورا يوم
سلم بحب و شوق
ما هو عنده مافى علوم
عن غش أو أحقاد !
و ف يوم سواد اللون
دور عليه ما لقاه
فى حديقة أو بستان
يسأل عليه الناس
ما لقاه فى أي مكان
شحروره فجأة اتكشف
تمثيل قناعه وقع
بحقيقته اصله غراب!!
💓بقلمي/ صفاء الخواجة 💓
ليست هناك تعليقات:
إرسال تعليق