افتحوا كل البيبان
اللي سكر من زمان
عايزه الهو وبحنان
عايز دولابي الصغنن
صوت اللعبة في الودان
بحلم بسريري النعام
شاف كتير شاف أحلام
شاف ايام الطفولة
ايام الشقاوة والجمال
بحلم يرجع بي الزمان
الاقي فانوس رمضان
كان بشمعة كل الألوان
قلبي كان بيفرح ويتنطط
مع صحابي مع الأولاد
فين ايام ابويا والعيد ع الأبواب
كان أبويا بيشتري لي كام فستان
والعيدية كان بيضعها في شنطتي
الحلوة الستان
فين أيام الشتاء
والمطر غزير بيروي الارض
واحنا صغار
نلعب نلهو تحت حبات المطر
نغني ونستمتع بالحياة
ياريت تعود لحظة أمل
وردة في ايد الولاد
لحظة دفي من الكبار
فين حواديت جدتي
ومدفعي ساعة الفطار
ودعوات امي وابويا
بدوام الحال
والسعادة كانت في قلوب الشباب
احلي نهار بصيام رمضان
وامي واقفة تعد الفطار
ووحوي ياوحوي بفانوس رمضان
بين القرايب والجيران
ايام كانت جميلة
في ذكريات الكتاب
........
فيفي الجندي
ليست هناك تعليقات:
إرسال تعليق